“Barselona”nın prezidentindən futbolçulara: “Başınızı dik tuta bilərsiz”

“Barselona” UEFA Çempionlar Liqasının yarımfinal mərhələsində “İnter”ə məğlub olaraq (ilk oyun 3:3, cavab matçı 3:4) turnirdən kənar qaldıqdan sonra klub prezidenti Xuan Laporta futbolçulara dəstəyini ifadə edib.

Komanda.az AS-a istinadən xəbər verir ki, Laporta oyundan sonra komandanın paltardəyişmə otağına daxil olub və oyunçulara irad bildirməyib.

O, futbolçulara göstərdikləri mübarizə və xarakter üçün təşəkkür edib:

“Siz başınızı dik tuta bilərsiz, azarkeşlər sizinlə fəxr edir. Biz bunu yenidən edəcəyik və daha da yaxşı oyun göstərəcəyik”.