ÇL: “Barselona” səfərdə, “Atletiko” evdə qalib gəldi

UEFA Çempionlar Liqasında 1/4 final mərhələsinin daha iki oyunu keçirilib.

Komanda.az xəbər verir ki, İspaniya klublarından “Atletiko” ev, “Barselona” səfər oyununa çıxıb.

Madrid təmsilçisi öz meydanında Dortmund “Borussiya”sını minimal fərqlə üstələyib. Kataloniya komandası isə Parisdə PSJ-ni məğlub edib.

Bu cütlər arasında cavab görüşləri aprelin 16-da keçiriləcək.

Bir gün əvvəl keçirilən qarşılaşmalarda “Real” “Mançester Siti” ilə 3:3, “Arsenal” isə “Bayern”lə 2:2 hesablı heç-heçə edib.

UEFA Çempionlar Liqası
1/4 final mərhələsi, ilk oyunlar

10 aprel

Atletiko (İspaniya) – Borussiya (Dortmund, Almaniya) 2:1
Qol: Rodriqo de Paul, 5, Samuel Lino, 32 – Sebastien Alle, 81.
Baş hakim: Marko Quida (İtaliya)
Madrid, “Metropolitano” stadionu

PSJ (Fransa) – Barselona (İspaniya) 2:3
Qol: Osman Dembele, 48, Vitinya, 51 – Rafinya, 37; 62, Andreas Kristensen, 77.
Baş hakim: Entoni Teylor (İngiltərə)
Paris, “Park De Prens” stadionu