ÇL: “Barselona” bu gün PSJ ilə cavab oyununu keçirəcək

Bu gün UEFA Çempionlar Liqasında 1/4 final mərhələsinin ilk iki cavab oyunu keçiriləcək.

Komanda.az xəbər verir ki, İspaniya klublarından “Barselona” ev, “Atletiko” isə səfər matçına çıxacaq.

“Barselona” ilk görüşdə PSJ-ni, “Atletiko” isə “Borussiya”nı (Dortmund) məğlub edib. Bu cütlərin qalibləri yarımfinalda rəqib olacaq.

Bu mərhələnin digər iki oyunu aprelin 17-də keçiriləcək.

UEFA Çempionlar Liqası
1/4 final, cavab oyunları

16 aprel

23:00. Barselona (İspaniya) – PSJ (Fransa)
Baş hakim: İştvan Kovaç (Rumıniya).
Barselona, “Olimpik Lyuis Kompanis” stadionu.
İlk oyun – 3:2

23:00. Borussiya (Dortmund, Almaniya) – Atletiko (İspaniya)
Baş hakim: Slavko Vinçiç (Sloveniya).
Dortmund, “Siqnal İduna Park” stadionu.
İlk oyun – 1:2