“Barselona” “Borussiya” ilə matç üçün vacib oyunçusunu heyətə daxil edib

Ronald Arauxo UEFA Çempionlar Liqasının 6-cı turunun Dortmund “Borussiya”sı ilə keçiriləcək oyun üçün “Barselona”nın heyətinə daxil edilib.

Komanda.az xəbər verir ki, bu barədə Kataloniya klubunun mətbuat xidməti məlumat yayıb. Onlar Arauxonun zədəsini tam sağaltdığını qeyd ediblər.

25 yaşlı müdafiəçi sağ ombasındakı əməliyyata görə 6 aya yaxındır ki, meydanlarda görünmürdü. Onun “Barselona” ilə müqaviləsi 2026-cı ilin ortalarına qədərdir.

Uruqvaylı futbolçunun transfer dəyəri 70 milyon avro qiymətləndirilir.

“Borussiya” – “Barselona” matçı dekabrın 11-də Almaniyada keçiriləcək.