ÇL: “Yuventus” uduzdu, PSJ və MS qələbə qazandı

Bu gün UEFA Çempionlar Liqasında qrup mərhələsinin 2-ci turu start götürüb.

Komanda.az xəbər verir ki, ilk oyun günündə 7 qarşılaşma keçirilib.

Gecənin ən maraqla gözlənilən oyunu C qrupunda olub. Qrup mərhələsinə qələbə ilə start verən “Bayern”lə “Barselona” üz-üzə gəliblər. Münhen təmsilçisi doğma meydanda inamlı qələbəyə sevinib. Bu qrupun digər oyununda Plzen “Viktoriya”sı Çexiyada “İnter”lə qarşılaşıb. Bu matç isə qonaqların inamlı qələbəsiylə yekunlaşıb.

Madrid “Atletiko”su da bu tur Almaniyaya səfər edib. “Hindular” “Bayer”lə üz-üzə gəlib və 2 cavabsız qola üzülüblər.

İkinci turun digər oyunları sentyabrın 14-də keçirilib. İkinci oyun günündə A, E, F, G və H qruplarında ümumilikdə 9 qarşılaşma baş tutuv.

A qrupunun təxirə salınmış görüşündə “Reyncers” Şotlandiyada “Napoli”ni qəbul edib və böyük hesabla uduzub.

Azərbaycan millisinin futboçusu Mahir Emrelinin çıxış etdiyi Xorvatiya “Dinamo”su (Zaqreb) İtaliyada “Milan”ın qonağı olub. Mahirin sonadək ehtiyatda qaldığı matçda komandası məğlubiyyətlə üzləşib.

Günün maraqla gözlənilən qarşılaşmasında “Mançester Siti” “Borussiya” (Dortmund) ilə görüşüb və əzmkar qələbəyə sevinib. Qələbə qolunu isə bu yay məhz “Borussiya”dan transfer edilmiş Erlinq Haland vurub.

Çempionar Liqası, qrup mərhələsi, 2-ci tur

13 sentyabr

C qrupu

Viktoriya (Plzen, Çexiya) – İnter (İtaliya) 0:2
Qol: Dzeko, 20. Dumfris, 70.

Bayern (Almaniya) – Barselona (İspaniya) 2:0
Qol: L.Hernandes, 50. L.Sane, 54.

Xal durumu: Bayern – 6. Barselona – 3. İnter – 3. Viktoriya – 0.

D qrupu

Sportinq (Portuqaliya) – Tottenhem (İngiltərə) 2:0
Qol: Paulinyo, 90. A.Qomes, 90+3.

Marsel (Fransa) – Ayntraxt (Frankurt, Almaniya) 0:1
Qol: Lindstrom, 43.

Xal durumu: Sportinq – 6. Tottenhem – 3. Ayntraxt – 0. Marsel – 0.

A qrupu

Liverpul (İngiltərə) – Ayaks (Niderland) 2:1
Qol: Salah, 17. Matip, 89 – Kudus, 27.

Reyncers (Şotlandiya) – Napoli (İtaliya) matçı sabaha təxirə salınıb

Xal durumu: Napoli – 3. Liverpul – 3. Ayaks – 3. Reyncers – 0.

B qrupu

Portu (Portuqaliya) – Brügge (Belçika) 0:4
Qol: Yutqla, 15-pen. Sovah, 47. Olsen, 52. Nusa, 89.

Bayer (Almaniya) – Atletiko (Madrid, İspaniya) 2:0
Qol: Andrix, 84. Diabi, 87.

Xal durumu: Atletiko – 3. Brügge – 3. Portu – 0. Bayer – 0.

14 sentyabr

A qrupu

Reyncers (Şotlandiya) – Napoli (İtaliya) 0:3
Qol: Politano, 68-pen. Raspadori, 85. Ndombele, 90+1.

Xal durumu: Napoli – 6. Liverpul – 3. Ayaks – 3. Reyncers – 0.

E qrupu

Milan (İtaliya) – Dinamo (Zaqreb, Xorvatiya) 3:1
Qol: Jiru, 45. Salemakers, 47. Pobeqa, 77 – Orşiç, 56.

Çelsi (İngiltərə) – Zalsburq (Avstriya) 1:1
Qol: Sterlinq, 48 – Okafor, 75.

Xal durumu: Milan – 4. Dinamo – 3. Zalsburq – 2. Çelsi – 1.

F qrupu

Şaxtyor (Donetsk, Ukrayna) – Seltik (Şotlandiya) 1:1
Qol: Mudrik, 29 – Bondarenko, 10-öz qapısına.

Real (İspaniya) – Leyptsiq (Almaniya) 2:0
Qol: F.Valverde, 80. Asensio, 90+1.

Xal durumu: Real – 6. Şaxtyor – 4. Seltik – 1. Leypsiq – 0.

G qrupu

Kopenhagen (Danimarka) – Sevilya (İspaniya) 0:0

Mançester Siti (İngiltərə) – Borussiya (Dortmund, Almaniya) 2:1
Qol: Stounz, 80. Haland, 84 – Bellingem, 56.

Xal durumu: Mançester Siti – 6. Borussiya – 3. Kopenhagen – 1. Sevilya – 1.

H qrupu

Yuventus (İtaliya) – Benfika (Portuqaliya) 1:2
Qol: Milik, 4 – J.Mario, 43-pen. Neres, 55.

Makkabi (Hayfa, İsrail) – PSJ (Fransa) 1:3
Qol: Çeri, 24 – Messi, 37. Mbappe, 69. Neymar, 88.

Xal durumu: Benfika – 6. PSJ – 6. Yuventus – 0. Makkabi – 0.