Cerrard Şotlandiya klubuna qayıda bilər

İngiltərə millisinin və “Liverpul”un sabiq yarımmüdafiəçisi Stiven Cerrard Şotlandiyanın “Reyncers” klubunda baş məşqçisi postuna qayıda bilər.

Komanda.az xarici KİV-ə istinadən xəbər verir ki, ingiltərəli mütəxəssis hazırda işsizdir və onun son klubu Səudiyyə Ərəbistanının “Əl-İttifaq”ı olub.

Qlazqo klubunun baş məşqçisi Filipp Klement bu gün komandanı tərk edib.

Cerrard 2021-ci ildə “Reyncers”lə Şotlandiya çempionu olub. Komanda Şotlandiya çempionatının cari mövsümündə 56 xal toplayaraq turnir cədvəlinin 2-ci pilləsində qərarlaşıb və lider “Seltik”dən 13 xal geri qalır.