Cerrard da Ərəbistana üz tutdu

“Aton Villa”nın və “Reyncers”in sabiq çalışdırıcısı, İngiltərə futbolunun canlı əfsanələrindən olan Stiven Cerrard məşqçilik karyerasını Səudiyyə Ərəbistanında davam etdirəcək.

Komanda.az xəbər verir ki, ingilis mütəxəssis “Əl-İttifaq”ı çalışdıracaq.

Məlumatı klubun rəsmi saytı yayıb.

Cerrard ötən ilin oktyabrında “Aston Villa”dan qovulandan bəri işsiz idi.

“Əl-İttifaq” son Səudiyyə Ərəbistanı çempionatını turnir cədvəlinin 8-ci sırasında başa vurub. Cerrardı əvəzləyən Unai Emerinin rəhbərliyi altında “Aston Villa”da İngiltərə Premyer Liqasını 7-ci pillədə tamamlayıb.