“Çempionluq uğrunda sona qədər mübarizə aparacağıq” – Qrizmann

“Atletiko”nun hücumçusu Antuan Qrizmann “Almeriya” ilə oyundan sonra (2:1) komandanın çempionluq uğrunda sona qədər mübarizə aparacağını bildirib.

Komanda.az “Marca”-ya istinadən xəbər verir ki, o, hələ qarşıda uzun yol olduğunu və qarşıdakı matç haqda düşünməli olduqlarını söyləyib:

“Bəzən dözməli və özünü müdafiə etməlisən. Rəqib böyük qüvvə ilə hücuma keçdi və bəzən bizi çaşdırırdı. Əsas odur ki, qalib gəldik və bu, ötən mövsümlə müqayisədə böyük addımdır. Çempionluq uğrunda sona qədər mübarizə aparacağıq. Biz bilirik ki, qarşıda hələ çox yol var. İndi dincəlməli və “Latsio” ilə matç haqda düşünməliyik”.

15 matçdan sonra “Atletiko” 34 xalla La Liqada turnir cədvəlində üçüncüdür. Lider “Jirona”dır (41 xal).