Kumandan 1:4-ə şərh: “Onlar bizdən daha üstün oynadı”

Çempionlar Liqasının 1/8 final mərhələsinin ilk oyununda PSJ-yə uduzan “Barselona”nın baş məşqçisi Ronald Kuman açıqlama verib.

Komanda.az xarici mətbuata istinadən xəbər verir ki, niderlandlı mütəxəssis, 1:4 hesabıyla uduzduqları görüşlə bağlı bunları deyib:

“Oyunun nəticəsi PSJ-nin nə qədər möhtəşəm olduğunu göstərdi. Onlar bizdən daha üstün oynadı. Lionel Messinin qolundan sonra Osman Dembele 2-ci topu da vura bilərdi. Bu zaman hər şey fərqli olacaqdı.

İkinci hissədə müdafiədə problem yaşamağa başladıq. PSJ-nin futbolçuları fiziki cəhətdən bizimkilərdən daha güclü idi. Biz, bunu qəbul edirik. İndi daha çox çalışıb, oyunumuzu inkişaf etdirməliyik.

Açığı, 1:4-dən sonra növbəti mərhələyə yüksəlmək şansımız azdır. Bu qarşılaşma göstərdi ki, hədəflərimizə çatmaq üçün daha çox çalışmalıyıq”.

PSJ – “Barselona” matçı martın 10-da keçiriləcək.