Flik: “Çempionlar Liqasını qazanmaq ən çətin işlərdən biridir”

“Barselona”nın baş məşqçisi Hans-Diter Flik komandasının Çempionlar Liqasının 1/8 finalına turnirin ümumi mərhələsinin yekun cədvəlində ikinci yerdən çıxmasını şərh edib.

Komanda.az xarici KİV-ə istinadən xəbər verir ki, o, qələbə qazanmağın çətin olduğunu, çünki güclü komandaların çox olduğunu söyləyib:

“İkinci yerdən çox razıyam. Bu, bütün komanda üçün böyük uğurdur. Rəqibləri müzakirə etmək hələ tezdir. Heç nəyi dəyişmək olmaz, görək nə olacaq. Çempionlar Liqasını qazanmaq ən çətin işlərdən biridir, çünki güclü komandalar çoxdur. Bu, asan deyil. “Liverpul” inanılmaz komandadır, amma deyə bilərəm ki, biz hər şeyimizi verəcəyik və mövsümün sonuna qədər mübarizə aparacağıq”.

Yanvarın 31-də UEFA Çempionlar Liqasının 2024/2025 mövsümünün pley-off mərhələsinin püşkatma mərasimi keçiriləcək. “Barselona”nın Çempionlar Liqasının 1/8 final mərhələsindəki rəqibi pley-offda çıxış edəcək dörd klubdan – “Monako”, PSJ, “Benfika” və ya “Brest”dən biri olacaq.