Çempionlar Liqasında finalçılar bəlli oldu

Bu gün Çempionlar Liqasında 2019/20 mövsümünün yarımfinal mərhələsinə yekun vurulub.

Komanda.az xəbər verir ki, qarşılaşmalar koronavirus pandemiyasına görə Portuqaliyada keçirilib və bir oyundan ibarət olub. 1/4 finalda Madrid “Atletiko”sunu mübarizədən kənarlaşdıran “Leyptsiq”, bu mərhələdə PSJ ilə qarşılaşıb. Rəqibini darmadağın edən Paris təmsilçisi ilk finalçı olub.

Yarımfinalın digər matçında bu gün “Bavariya” ilə “Lion” üz-üzə gəlib. Almaniya çempionu bu oyundan da qalib ayrılaraq finala yüksəlib.

Beləliklə, avqustun 23-də keçiriləcək final oyununda “Bavariya” ilə PSJ üz-üzə gələcək.

Çempionlar Liqası, yarımfinal

18 avqust

Leyptsiq (Almaniya) – PSJ (Fransa) 0:3
Qol: Markinyos, 13. Di Maria, 42. Bernat, 56.

19 avqust

Bavariya (Almaniya) – Lion (Fransa) 3:0
Qol: Qnabri, 18; 33. Levandovski, 88.