Çempionlar Liqası: “Araz-Naxçıvan” darmadağınla qələbə qazandı

“Araz-Naxçıvan” futzal komandasıUEFA Çempionlar Liqasındakı ilk oyununda darmadağınla qalib gəlib.

Komanda.az xəbər verir ki, Azərbaycan çempionu ilkin seçmə mərhələnin A qrupu çərçivəsində Latviyada keçirdiyi birinci görüşündə Türkiyə komandası “İstanbul Şişli”ni 9:1 hesabı ilə üstələyib.

Amadeunun het-trik etdiyi matçda İsa Atayev dubla imza atıb.

“Araz-Naxçıvan” qrupda ikinci oyununu avqustun 24-də “Yan Reqensburq”a qarşı keçirəcək.

UEFA Çempionlar Liqası, ilkin seçmə mərhələ
A qrupu, 1-ci tur

23 avqust

15:00 Araz-Naxçıvan (Azərbaycan) – İstanbul Şişli (Türkiyə) 9:1
Qollar: Katatau, 3:25, Xətai Bağırov, 5:53, Lazar Milosavlyeviç, 15:49, Amadeu, 21:35, 22:49, 30:05, İsa Atayev, 27:29, 33:05, Erik Dannilo, 35:52 – Sadettin Çamcı, 39:10
Hakimlər: Arttu Kinaerenen (Finlandiya), Drazen Vukçeviç (Monteneqro), Georgios Kozakos (Kipr).
Salaspils. Salaspils İdman Arenası.