“Çempionatın bərpa olunması çətin olacaq” – Buskets

İspaniyanın “Barselona” klubunun yarımmüdafiəçisi Serxio Buskets koronavirus pandemiyası səbəbiylə dayandırılan La Liqayla bağlı açıqlama verib.

Komanda.az xarici mətbuata istinadən xəbər verir ki, 31 yaşlı futbolçu, çempionatın bərpa olunacağına inanmadığını bildirib:

“Qaydalara əməl edərək, komanda yoldaşlarımızla təmasdan qaçaraq, məşqlərə başlaya biləcəyik. Amma düşünürəm ki, çempionatın bərpa olunması çətin olacaq. İnsanların toplaşması, klubların səyahət etməsi problem olacaq. Liqanı bərpa edib, bunlarla üzləşə biləcəyimizə inanmıram”.

İspaniya La Liqasında turnir cədvəlinə “Barselona” başçılıq edir.