“Çelsi”nin keçmiş futbolçusu Çempionşipdə

“Çelsi”nin və İngiltərə milli komandasının sabiq futbolçusu Qari Keyhillin yeni ünvanı bilinib.

Komanda.az xəbər verir ki, 35 yaşlı müdafiəçi “Bornmut” klubuna keçib. Bu barədə Çempionşip təmsilçisinin mətbuat xidməti məlumat yayıb. Keyhillə 1 illik müqavilə imzalanıb.

2012-2019-cu illər aralığında “Çelsi”də çıxış edən müdafiəçi “Bornmut”a azad agent kimi keçib. Onun son klubu “Kristal Pelas” olub.

Qari İngiltərə yığmasında 61 oyuna çıxıb.