Terri “Çelsi”yə qayıtmaq istəyir

“Çelsi”nin sabiq futbolçusu Con Terri London klubuna qayıtmaq istəyir.

Komanda.az xəbər verir ki, keçmiş müdafiəçi “zadəganlar”da çalışmaq niyyətindədir. Bu barədə “The Athletic” nəşri məlumat yayıb.

Terri “Çelsi”nin gənclərdən ibarət komandasında baş məşqçilik etmək istəyir. O, bununla bağlı London klubuna təklifini bildirib.

Terri son olaraq “Aston Villa” klubunda məşqçilik edib. Hazırda işsiz olan sabiq futbolçu 2000-2017-ci illər aralığında “Çelsi”nin şərəfini qoruyub.