Premyer Liqa klubundan “Çelsi”nin keçmiş baş məşqçisinə təklif

Qrem Potter tezliklə İngiltərə Premyer Liqasında işə qayıda bilər.

Komanda.az xarici KİV-ə istinadən xəbər verir ki, 49 yaşlı mütəxəssisin artıq “Vest Hem”in “sükanı arxasına” keçməyə hazır olduğu bildirilir.

London klubu Potterə təklif edib. O, hələ cavab verməyib, ancaq mövsümün sonuna qədər bu komandaya rəhbərlik etməyə razılıq verəcəyi gözlənilir. “Vest Hem”in hazırkı baş məşqçisi Xulen Lopeteqi tezliklə istefaya göndəriləcək.

Potter 2023-cü ilin yazında “Çelsi”ni tərk edib. O, əvvəllər “Brayton”da da çalışıb.

“Vest Hem” Premyer Liqada 20 turdan sonra turnir cədvəlinin 14-cü pilləsində qərarlaşıb.