Lempardın işləmək istədiyi klub

“Çelsi”nin keçmiş baş məşqçisi Frenk Lempardın çalışmaq istədiyi klub məlum olub.

Komanda.az xəbər verir ki, ingilis mütəxəssis “Lester”də işləmək istəyir. Bu barədə İngiltərə mətbuatı məlumat yayıb.

“Norviç”, “Nyukasl”, “Kristal Pelas” kimi klublardan təklif alan Lempard özünə uyğun komandanın “Lester” olduğunu düşünür.

“Lester”in baş məşqçisi Brendan Rocers klubdan ayrılacağı halda, Lempard “tülkülər”in rəhbərliyi ilə görüşmək niyyətindədir.

Rocersin adı “Mançester Yunayted”lə hallanır.