Lukaku: “Kluba bağlılığımı göstərmək üçün əlimdən gələni edəcəm”

“Çelsi”nin hücumçusu Romelu Lukaku London təmsilçisinin azarkeşlərindən üzr istəyib.

Komanda.az xəbər verir ki, belçikalı futbolçu bununla bağlı “instaqram” hesabında paylaşım edib. O, fanatların inamını yenidən qazanacağına ümid etdiyini söyləyib:

“Azarkeşlərimizdən səbəb olduğum problemə görə üzr istəyirəm. Uşaqlıqdan bəri bu klubla olan bağlılığımı bilirsiz və hazırda üzgün olmağınızı başa düşürəm. İnamınızı yenidən qazanmaq mənim məsuliyyətimdədir. Kluba bağlılığımı göstərmək üçün əlimdən gələni edəcəm”.

Romelu Lukaku İtaliya mətbuatına verdiyi müsahibədə “Çelsi”də narahatlığından, baş məşqçi Tomas Tuxelin sistemindən və sabiq komandası “İnter”ə qayıtmaq istəməsindən danışıb.