Tuxel Verner haqda: “Çox gözləyə bilmərik”

“Çelsi”nin baş məşqçisi Tomas Tuxel komandanın hücumçusu Timo Vernerin çıxışını dəyərləndirib.

Komanda.az xəbər verir ki, “Sky Sports” telekanalına danışan Tuxel, alman hücumçuyla bağlı bunları deyib:

“Hücumçuların eniş yaşaması tez-tez olur. Ancaq Vernerin formaya düşməsini çox gözləyə bilmərik. Hər oyun oynayan və komandaya fayda verən futbolçular qazanmaq istəyirik. Düşünürəm ki, “Sauthempton”la oyunda vurduğu qol ona inam verəcək”.

Verner bu mövsüm “Çelsi” ilə 8 oyunda 2 qol vurub.