“Çelsi”dən 5 illik müqavilə təklifi

İngiltərənin “Çelsi” klubu müdafiəçisi ilə müqavilənin müddətini uzatmağa qərar verib.

Komanda.az İngiltərə mətbuatına istinadən xəbər verir ki, “zadəganlar” 25 yaşlı futbolçusu Emerson Palmiereyə yeni müqavilə təklif etməyə hazırlaşır. Yeni müqavilə ilə londonlular Emersona ildə 5 milyon avro+bonuslar təklif edəcək. Müqavilənin 2024-cü ilədək nəzərdə tutulacağı bildirilir.

İtaliya millisinin üzvü 2018-ci ilin yanvarından “Çelsi”nin şərəfini qoruyur. O, 20 milyon avro müqabilində “Roma”dan transfer olunmuşdu.