“O, yaxşı futbolçudur” – Konte

İtaliyanın “İnter” klubunun baş məşqçisi Antonio Konte “Mançester Yunayted”dən transfer etməyə çalışdıqları Romelu Lukaku haqqında açıqlama verib.

Komanda.az İtaliya mətbuatına istinadən xəbər verir ki, “Yuventus”un da transfer hədəfində olan belçikalı futbolçu haqqında danışan 50 yaşlı mütəxəssis, bu keçid üçün çalışdıqlarını bildirib:

“Transfer məsələlərində əlimizdən gəldiyi qədər yaxşı işləməyə çalışırıq. Bəzi mövqeləri gücləndirə bilərik. Buna baxmayaraq, hazırda çalışdığım futbolçulardan məmnunam.

Lukaku məsələsinin necə başa çatacağını bilmirəm. O, yaxşı futbolçudur. “Çelsi”də çalışanda da, onu komandamda görmək istəmişdim. “Yuventus” və “İnter” böyük klublardır. Buna görə də, bu hər şeyin necə bitəcəyini bilmirəm”.