“Çelsi” yeni transferini açıqladı

İngiltərənin “Çelsi” klubu heyətini yeni futbolçu ilə gücləndirib.

Komanda.az xəbər verir ki, bu barədə London klubunun mətbuat xidməti məlumat yayıb.

“Zadəganlar” Argentinanın “Boka Xuniors” komandasında çıxış edən Aaron Anselminonu transfer edib.

19 yaşlı müdafiəçi ilə 7 illik müqavilə imzalanıb.

Argentinalı futbolçu “Boka Xuniors”un əsas komandasında 10 matçda meydanda olub və 1 qol vurub.