“Çelsi” futbolçusunu geri qaytarıb

“Kristal Pelas”da icarədə olan müdafiəçi Trevo Çaloba “Çelsi”yə erkən qayıdıb.

Komanda.az xarici KİV-ə istinadən xəbər verir ki, London klubu Çalobaya cari mövsümün ikinci yarısı üçün heyətin vacib üzvü kimi baxır.

25 yaşlı futbolçu “Kristal Pelas”ın heyətində 14 oyunda iştirak edib, 3 qol vurub. “Qartallar” və “Çelsi” arasında müdafiəçi üçün icarə müqaviləsi 2025-ci ilin mayın sonuna kimi nəzərdə tutulmuşdu.

“Çelsi” İngiltərə Premyer Liqasının turnir cədvəlində 21 turdan sonra 4-cü, “Kristal Pelas” isə 15-ci pillədə qərarlaşıb.