İngiltərə klubu Torres üçün 30 milyon avro ödəməyə hazırdır

“Barselona”nın vingeri Ferran Torres klubunu dəyişə bilər.

Komanda.az “Fichajes”-ə istinadən xəbər verir ki, “Çelsi” ispaniyalı futbolçunun xidmətində maraqlıdır və yayda onun üçün təxminən 30 milyon avro ödəməyə hazırdır.

Torres daha əvvəl İngiltərə Premyer Liqasında “Mançester Siti”də çıxış edib, 2022-ci ildə “Barselona”ya keçib.

24 yaşlı futbolçu bu mövsüm bütün turnirlərdə 26 oyun keçirib, 10 qol vurub və 3 məhsuldar ötürmə edib. Onun “Barselona” ilə hazırkı müqaviləsinin müddəti 2027-ci ilin ortalarına qədərdir.