“Çelsi” “Milan”dan 25 milyon avro istəyir – Futbolçusu üçün

“Çelsi”nin yarımmüdafiəçisi Ruben Loftus-Çik “Milan”a keçə bilər.

Komanda.az “La Gazzetta dello Sport”-a istinadən xəbər verir ki, 27 yaşlı futbolçunun bu yay İtaliya klubuna keçməsi mümkündür.

“Çelsi” futbolçu üçün 25 milyon avro istəyir, lakin “Milan” danışıqlar zamanı bu məbləğin azaldıla biləcəyinə inanır. Çünki onlar londonluların oyunçularını satmalı olduğunu bilirlər.

Rubenin “Çelsi” ilə müqaviləsi 30 iyun 2024-cü ilə qədərdir. O, bu mövsüm komandanın heyətində bütün yarışlarda 30 oyuna çıxıb və 2 məhsuldar ötürmə edib.