“Çelsi” “Mançester Yunayted”ə şərtlərini bildirib

“Çelsi”nin hücumçusu Kristofer Nkunku “Mançester Yunayted”in maraq dairəsinə düşüb.

Komanda.az xəbər verir ki, bu barədə “Sky Sports” nəşri məlumat yayıb.

Londonlular artıq “qırmızı şeytanlar”a potensial müqavilənin şərtlərini bildirib. Paytaxt klubu fransalı futbolçu ilə 70 milyon funt-sterlinqə (83 milyon avro) yollarını ayımağa hazırdır.

“Mançester Yunayted” Nkunku üçün bu məbləğdə pul ödəməyə hazır olmadığına görə transfer ehtimalı aşağı qiymətləndirilir.

Nkunku bu mövsüm “Çelsi”nin heyətində 28 oyun keçirib, 13 qol vurub və 4 məhsuldar ötürmə edib.