“Çelsi” İtaliya klubuna rəsmi təklif göndərib

“Çelsi” “Napoli”nin hücumçusu Viktor Osimhenlə maraqlanır.

Komanda.az xarici KİV-ə istinadən xəbər verir ki, London klubu nigeriyalı futbolçunun transferi üçün İtaliya klubuna rəsmi təklif göndərib. Klublar arasında danışıqlar bu gün davam etdiriləcək.

“Çelsi”nin forvard uğrunda mübarizədə rəqibləri “Arsenal” və Səudiyyə Ərəbistanının “Əl-Əhli” klubları hesab olunur.

25 yaşlı hücumçu İtaliya çempionatının ötən mövsümündə 25 matçda iştirak edib, 15 qol vurub və 3 məhsuldar ötürmə verib.