Poçettino: “Biz Premyer Liqanı qazanmaq istəyirik”

“Çelsi”nin baş məşqçisi Maurisio Poçettino London klubunun İngiltərə Premyer Liqasındakı məqsədindən danışıb.

Komanda.az xarici KİV-ə istinadən xəbər verir ki, argentinalı mütəxəssis Premyer Liqada qələbə qazanmaq istədiklərini söyləyib:

“Biz Premyer Liqanı qazanmaq istəyirik. Bəli, bir gün bunu edəcəyik. Yoxsa, şübhəsiz ki, başqa bir məşqçi bunu qazanacaq. Azarkeşlərimiz başa düşməlidirlər ki, “Çelsi” indi fərqli ideyaları olan yeni layihədir”.

“Çelsi” İngiltərə çempionatının 27 turundan sonra 39 xal toplayıb və hazırda 11-ci pillədə qərarlaşıb.