“Çelsi” – dünyanın ən güclü klubu!

Amerika Birləşmiş Ştatlarında keçirilən Klublararası dünya çempionatına yekun vurulub.

Komanda.az xəbər verir ki, Nyu-Cersi ştatında yerləşən “MetLayf” stadionunda baş tutmuş həlledici qarşılaşmada İngiltərənin “Çelsi” və Fransanın PSJ komandaları üz-üzə gəliblər.

“Çelsi” ilk hissədə vurduğu 3 qol sayəsində rəqibinə böyük hesabla qalib gəlib – 3:0. Koul Palmerin dubla imza atdığı oyunda digər qolu onun məhsuldar ötürməsindən sonra Juan Pedro vurub.

PSJ son mövsümdə UEFA Çempionlar Liqasının, “Çelsi” isə Konfrans Liqasının qalibi olub.