“Çelsi” düzgün yoldadır” – Sabiq futbolçu

“Liverpul”un və İngiltərə millisinin sabiq futbolçusu Cimi Karrager “Çelsi”nin səfərdə “Tottenhem” üzərində 4:3 hesablı qələbəsindən sonra fikirlərini bölüşüb.

Komanda.az “Sky Sports”-a istinadən xəbər verir ki, o, “Çelsi”ni yaxşı klub kimi dəyərləndirib:

“Bu, zəif “Çelsi” haqqında hekayə deyil. Klub 1,4 milyard avro xərcləyib. Bu mövsüm etdikləri şey heyrətamizdir. “Çelsi” çempionluq uğrunda mübarizə aparmaq üçün düzgün yoldadır”.

Hazırda London klubu 31 xalla turnir cədvəlinin ikinci pilləsində qərarlaşıb. “Çelsi” birinci pillədəki “Liverpul”dan 4 xal geri qalır.