“Çelsi” Bundesliqa klubunun futbolçusu ilə anlaşıb

“Leypsiq”in futbolçusu Kristofer Nkunku “Çelsi”yə keçəcək.

Komanda.az xarici KİV-ə istinadən xəbər verir ki, 24 yaşlı hücumçu artıq İngiltərə klubu ilə anlaşıb.

Tərəflər 2028-ci ilədək müqavilənin şərtlərini razılaşdırıb. Keçidin baş tutması üçün iki klub arasında anlaşma əldə olunmalıdır.

Fransalı futbolçu Almaniya klubu ilə müqaviləsini bu yay 2026-cı ilədək uzadıb.

Nkunku cari mövsümdə 11 oyunda 6 qol vurub.