“Bəzən evə gedirəm və sadəcə gülümsəyirəm” – “Çelsi”nin futbolçusu

Moyses Kaysedo “Çelsi” azarkeşləri haqqında danışıb.

Komanda.az xarici KİV-ə istinadən xəbər verir ki, ekvadorlu yarımmüdafiəçi bunun sadəcə inanılmaz bir hiss olduğunu bildirib:

“Çelsi” azarkeşlərinin sevgisi gerçəkləşən bir xəyaldır. Bu, sadəcə inanılmaz bir hissdir. Bəzən evə gedirəm və sadəcə gülümsəyirəm. Hər bir gənc oyunçu bunu istəyir. Sonra sən azarkeşlərinin önündə “Stemford Bric”ə çıxırsan, qalib gəlirsən və komandaya kömək edirsən. Bu, sadəcə heyrətamizdir”.

23 yaşlı futbolçu cari mövsümdə İngiltərə Premyer Liqasında “Çelsi”nin heyətində 13 oyun keçirib, 1 qol vurub və 2 məhsuldar ötürmə edib. Onun London klubu ilə müqaviləsi 30 iyun 2025-ci ilə qədərdir.