“Futbolu yaxşı bilirsizsə, kiminsə sizə nəsə deməsinə ehtiyac yoxdur”

Cari mövsümdə zədə səbəbindən uzun müddət yaşıl meydanlardan uzaq qalan “Mançester Yunayted”in futbolçusu Pol Poqba açıqlama verib.

Komanda.az xarici mətbuata istinadən xəbər verir ki, 27 yaşlı yarımmüdafiəçi, bir müddət əvvəl onu tənqid edən “Liverpul”un sabiq futbolçusu Qrem Souns haqda da fikirlərini bildirib:

“Onun adını belə bilmirdim. Nə qədər yaxşı futbolçu olduğunu eşitsəm də, sifətini xatırlamıram.

Mən oyunları izləyib, başa düşürəm. Şərhlərə fikir vermirəm. Futbolu yaxşı bilirsizsə, kiminsə sizə nəsə deməsinə ehtiyac yoxdur”.

Poqba, koronavirusa görə futbola fasilə verilməzdən əvvəl bu mövsüm Premyer Liqada cəmi 8 oyunda iştirak etmişdi.