“Roma” ingilisin maaşını azaldır

“Roma”nın müdafiəçisi Kris Smollinq paytaxt təmsilçisi ilə yeni müqavilə imzalamaqdan imtina edib.

Komanda.az “calciomercato.com”-a istinadən xəbər verir ki, 33 yaşlı britaniyalı maaşının azaldılması müqabilində klubla cari sözləşməni yeniləmək fikrində deyil.

A Seriyası təmsilçisi futbolçunun maaşını 3.5 milyon avrodan 2.5 milyon avroya qədər azaltmağı düşünür.

Smollinqin “Roma” ilə hazırkı müqaviləsi 2023-cü ilin iyun ayının sonuna qədər qüvvədədir. O, bu mövsüm “canavarlar”ın heyətində 23 oyuna çıxıb və 3 qol vurub.