Camalovun “Neftçi”yə keçidi rəsmiləşdi

“Neftçi” növbəti transferini rəsmiləşdirib.

Komanda.az xəbər verir ki, milli komandamızın futbolçusu Elvin Camalov artıq “Neftçi” ailəsinin üzvüdür.

4 nömrəli formanı geyinəcək 29 yaşlı dayaq yarımmüdafiəçisi ilə 1,5 + 1 il şərti ilə müqavilə bağlanıb.

“Qəbələ”nin yetirməsi olan Camalov “Zirə” və “Sabah” klublarında da çıxış edib. Sonuncu klubu “Sabah”ın kapitanı olmuş təcrübəli futbolçu 2018/19 mövsümündə “Qəbələ” ilə Azərbaycan Kubokunu başı üzərinə qaldırıb. O, milli komandamızın heyətində 20 oyun keçirib.