“Real” üzərində qələbə böyük addımdır”

“Atletiko”nun qapıçısı Yan Oblak İspaniya çempionatının 35-ci turunda “Real” üzərində qazanılan qələbəni (1:0) şərh edib.

Komanda.az “Mundo Deportivo”-ya istinadən xəbər verir ki, sloveniyalı futbolçu qələbədən məmnun olduğunu degib:

“Atletiko” üçün çətin matçda çox vacib qələbə! “Real” çempion kimi gəldi, çox yaxşı oynadı və üç xal qazanmaq istəyirdi.

Qələbədən məmnunam. Çempionlar Liqasına vəsiqə uğrunda mübarizədə üç oyun qalıb və “Real” üzərində qələbə böyük addımdır”.

“Atletiko” La Liqada 4-cü yerdədir. “Real” isə artıq çempionluğu təmin edib.