Cənubi Amerikanın ən güclüsü məlum oldu

Cənubi Amerika Futbol Konfederasiyasının (KONMEBOL) hər il təşkil etdiyi Libertadores kubokunun qalibi bəlli olub.

Komanda.az xəbər verir ki, həlledici görüşdə “Flamenqo” ilə “River Pleyt” komandaları üz-üzə gəlib. Qarşılaşma “Flamenqo”nun 2:1 hesablı qələbəsiylə başa çatıb.

Görüşdə hesabı “River Pleyt” açsa da, “Flamenqo” 89 və 90+2-ci dəqiqədə vurduğu qollarla 1981-ci ildən sonra ikinci dəfə Libertadores kubokunu qazanıb.