“Buraya gəlməzdən əvvəl Lo Çelsonu çox yaxşı nəzərdən keçirdim”

“Tottenhem”in baş məşqçisi Angelos Postekoqlu komandanın yarımmüdafiəçisi Covanni Lo Çelsonun gələcəyi barəsində danışıb.

Komanda.az xarici KİV-ə istinadən xəbər verir ki, 58 yaşlı mütəxəssis argentinalı futbolçunun çox yaxşı keyfiyyətlərə malik olduğunu bildirib:

“Buraya gəlməzdən əvvəl Lo Çelsonu çox yaxşı nəzərdən keçirdim . Onun çox yaxşı keyfiyyətlərə malik olduğunu görürsən. Texniki cəhətdən çox yaradıcı oyunçudur. Növbəti bir neçə həftə ərzində o, meydançaya çıxmaq imkanı əldə edəcək”.

Lo Çelso bu mövsüm bütün turnirlərdə 4 oyun keçirib. Futbolçunun londonlularla müqaviləsi 2025-ci ilin yayına qədər nəzərdə tutulub.