“Bu nəticədən çox narazıyıq” – Erik Qarsiya

“Barselona”nın müdafiəçisi Erik Qarsiya Çempionlar Liqasının qrup mərhələsinin 3-cü turunda “İnter”ə məğlubiyyəti (0:1) şərh edib.

Komanda.az UEFA-nın rəsmi saytına istinadən xəbər verir ki, o, nəticədən narazı olduqlarını deyib:

“Biz bu nəticədən çox narazıyıq. Matça yaxşı başladıq, oyunu cinahdan-cinaha keçirmək əla oldu. Fasilədən dərhal əvvəl buraxdığımız qolla barışmaq çox çətindir”.

Bu qələbə sayəsində “İnter” 6 xal toplayıb və C qrupunun turnir cədvəlində ikinci pilləyə yüksəlib. “Barselona” (3 xal) üçüncü yerdədir.