“Bura gəlib “Mançester Siti”ni məğlub etməyin yeganə yolu budur” – Ançelotti

“Real”ın baş məşqçisi Karlo Ançelotti Çempionlar Liqasının 1/4 finalında “Mançester Siti” ilə qarşıdurmanın (1:1, penalti 4:3) komanda üçün nə qədər çətin olduğundan danışıb.

Komanda.az xarici KİV-ə istinadən xəbər verir ki, o, oyunboyu yaxşı müdafiə olunduqlarını söyləyib:

“Yaxşı başladıq, irəli getdik, amma sonra sağ qalmalı və əziyyət çəkməli olduq. “Mançester Siti” nəzarətdə idi, çox dərin müdafiə olunduq. Penaltilər seriyasına gəlincə, irəliləyəcəyimizə tam əmin idik. Bura gəlib “Mançester Siti”ni məğlub etməyin yeganə yolu budur: çox çalışmalı, qurbanlar verməli, bacardığınız qədər nəticə əldə etməlisiz. “Real”ın mahiyyəti həmişə mübarizə aparmaq və hədəfinə çatmaqdır, hətta çıxış yolu olmayan situasiyalarda belə”.