“Bunu bizim yerimizə heç kim etməyəcək” – Terziç

“Borussiya”nın (Dortmund) baş məşqçisi Edin Terziç Almaniya Bundesliqasının 28-ci turunun “Ştutqart”la görüşünü (3:3) dəyərləndirib.

Komanda.az “Sky Sports Germany”-ə istinadən xəbər verir ki, o, böyük fürsətdən yararlana bilmədiklərini deyib:

“Söz tapa bilmirəm. Həddindən artıq qəzəb və məyusluq var. Böyük fürsəti əldən verdik. Son on ildə zirvədə ola bilməməyimizin səbəbləri var.

Buna baxmayaraq, mübarizə aparacağıq. Uğursuzluqlardan sonra öyrənməyə başlamaq vacibdir. Bunu bizim yerimizə heç kim etməyəcək”.

Dortmund təmsilçisi hazırda Almaniya çempionatının turnir cədvəlində 57 xalla ikinci, “Ştutqart” isə 24 xalla 16-cı pillədə qərarlaşıb.

Xatırladaq ki, “Bayern” də 28-ci turun “Hoffenhaym”la matçında xal itirib (1:1).