Bundesliqada mövsümə yekun vuruldu

Almaniya Bundesliqasında 2024/25 mövsümünə yekun vurulub.

Komanda.az xəbər verir ki, bu gün sonuncu – 34-cü turun oyunları keçirilib.

Çempionluğu təmin etmiş “Bayern” səfərdə qarşılaşdığı “Hoffenhaym”a böyük hesabla qalib gəlib. Dortmund “Borussiya”sı da evdə “Holştayn”ı 3 cavabsız qolla üstələyib. Dörd qolun qeydə alındığı “Maynts” – “Bayer” görüşündə isə qalib müəyyənləşməyib.

“Bayern” 82 xalla mövsümü zirvədə tamamlayıb. “Bayer” 69 xalla ikinci, “Ayntraxt” 60 xalla üçüncü olub. Dortmund “Borussiya”sı 57, “Frayburq” 55, “Maynts” 52, “Leypsiq” və “Verder” 51, “Ştutqart” 50, “Borussiya” (Mönhenqladbax) 45, “Volfsburq” və “Auqsburq” 43 xal toplayıblar. 29 xalla 16-cı olan “Haydenhaym” Bundesliqada qalmaq üçün pley-off oyunu keçirəcək. 25 xalla sonuncu olan “Holştayn” ilə “Boxum” isə elitanı tərk ediblər.

Almaniya Bundesliqası
34-cü tur
17 may

Auqsburq – Union Berlin 1:2
Qollar: Tiets, 41 – A.İliç, 69; 90+4.

Borussiya (Mönhenqladbax) – Volfsburq 0:1
Qol: L.Nmeça, 51.

Borussiya (Dortmund) – Holştayn 3:0
Qollar: Girassi, 3-pen. Zabitser, 47. F.Nmeça, 73.

Frayburq – Ayntraxt 1:3
Qollar: Doan, 27 – Knauff, 45+4. Kristensen, 61. Sxiri, 63.

Haydenhaym – Verder 1:4
Qollar: Kerber, 80 – Şmid, 14-pen. Staqe, 33. Dukş, 66. Topp, 86.

Hoffenhaym – Bayern 0:4
Qollar: Olise, 33. Kimmix, 53. Qnabri, 80. Keyn, 86.

Maynts – Bayer 2:2
Qollar: Nebel, 35. Burkardt, 63-pen – P.Şik, 49-pen; 54.

Leypsiq – Ştutqart 2:3
Qollar: X.Simons, 8. Baku, 44 – Undav, 23. Voltermade, 57. Demiroviç, 78.

Sankt Pauli – Boxum 0:2
Qollar: Boadu, 10; 66.