“Bohum” evdə, “Ştutqart” isə səfərdə uduzdu

Futbol üzrə Almaniya Bundesliqasında 31-ci tura yekun vurulub.

Komanda.az xəbər verir ki, turun ilk oyun günündə bir qarşılaşma baş tutub. “Volfsburq” doğma meydanda “Maynts”la qarşılaşıb və 5 cavabsız qolla qalib gəlib.

Əksər qarşılaşmalar şənbə gününə təsadüf edib. Bol qollu “Ayntraxt” – “Hoffenhaym” və “Frayburq” – “Borussiya” (Mönxenqladbax) matçlarında qalib müəyyənləşməyib. “Köln” “Arminiya” ilə ev oyunundan inamlı qələbə ilə ayrılıb. “Qroyter” evdə “Bayer”ə, “Leyptsiq” “Yunion”a məğlub olub.

Turun mərkəzi oyunu lider “Bayern”lə 2-ci pillədəki Dortmund “Borussiya”sı arasında keçirilib. Dörd qolun qeydə alındığı bu oyun meydan sahiblərinin inamlı qələbəsiylə yekunlaşıb. Beləcə, “Bayern” mövsümün başa çatmasına 3 tur qalmış çempionluğu təmin edib. Bu, Münhen təmsilçisinin ardıcıl 10-cu, bütövlükdə isə 32-ci dəfə Almaniya çempionluğudur.

Sonuncu oyun günündə iki qarşılaşma baş tutub. “Bohum” doğma meydanda “Auqsburq”a 2 cavabsız qolla uduzub. “Herta” isə evdə “Ştutqart” üzərində inamlı qələbəyə sevinib.

Almaniya Bundesliqası, 31-ci tur

22 aprel

Volfsburq – Maynts 5:0
Qol: Vind, 8; 42. Kruse, 24; 35; 45+2.

23 aprel

Ayntraxt – Hoffenhaym 2:2
Qol: Ndikka, 32. Kamada, 66 – Ndikka, 12-öz qapısına. Rutter, 78.

Qroyter – Bayer 1:4
Qol: Villems, 5 – Şik, 8. Azmun, 18. Paulinyo, 58. Palasios, 84.

Köln – Arminiya 3:1
Qol: Ut, 3. Modeste, 43. Tilmann, 86 – Hubers, 33-öz qapısına.

Leyptsiq – Yunion 1:2
Qol: Poulsen, 46 – Miçel, 86. Behrens, 89.

Frayburq – Borussiya M 3:3
Qol: Qrifo, 49. Gunter, 61. Linhart, 80 – Bensebaini, 3. Embolo, 13. Ştindl, 90+3.

Bayern – Borussiya D 3:1
Qol: Qnabri, 15. Levandovski, 34. Musiala, 83 – E.Can, 52.

24 aprel

Bohum – Auqsburq 0:2
Qol: Han, 15. Qreqoritş, 43-pen.

Herta – Ştutqart 2:0
Qol: Selke, 4. Belfodil, 90+3.