Bundesliqa klubundan yeni transfer

Almaniyanın “Maynts” klubu heyətini yeni futbolçu ilə gücləndirib.

Komanda.az xəbər verir ki, Bundesliqa təmsilçisi Fransanın “Monako” klubunun müdafiəçisi Ronael Pyer-Qabrieli heyətinə qatıb. Bu barədə klubun rəsmi saytı məlumat yayıb.

21 yaşlı futbolçu ilə müqavilənin müddəti 2024-cü ilin yayına qədərdi. Transferin digər detalları barədə məlumat verilmir.

“Sent-Etyen”in yetirməsi olan fransalı futbolçu, 2018-ci ildən “Monako”da çıxış edirdi.