Buffon A Seriyasının tarixinə düşdü

İtaliya A Seriyasının 36-cı turu çərçivəsində “Sampdoriya”ya 2:0 hesabı ilə qalib gələn “Yuventus” çempionluğunu rəsmiləşdirib.

Komanda.az xəbər verir ki, Turin klubunun qapıçısı Canluici Buffon çempionatın tarixinə düşüb. Belə ki, 42 yaşlı qolkiper İtaliya A Seriyası çempionluğunu 10 dəfə qazanan ilk futbolçu olub. O, 2001/02, 2002/03, 2011/12, 2012/13, 2013/14, 2014/15, 2015/16, 2016/17, 2017/18, 2019/20-ci il mövsümlərində “Yuventus”un heyətində çempion olub.

Bu, “Yuventus”un ardıcıl 9-cu, ümumilikdə 36-cı çempionluğu olub.