Buenos-Ayresdə izdiham – Təxliyə üçün helikopter gətirildi

Argentina hakimiyyəti dünya çempionluğunun qeyd edilməsi mərasimində azarkeş izdihamı yaranması səbəbindən milli komandanın futbolçularını helikopterlə təxliyə edib.

Komanda.az xarici KİV-ə istinadən xəbər verir ki, cənubi amerikalıları daşıyan avtobus Buenos-Ayresin mərkəzinə qədər təxminən 17 kilometr yol qət edib.

Çox sayda insan olduğundan, avtobus yavaş hərəkət etməli olub. Şəhərə axın edən insan sayı isə 5 milyona çatıb.

Argentina millisi DÇ-2022-nin finalında Fransanı penaltilər seriyasında məğlub edərək (3:3, penaltilər – 4:2), tarixində üçüncü dəfə dünya çempionatının qalibi olub. Cənubi Amerika təmsilçisi 1978 və 1986-cı illərdə də dünyanın ən güclü komandası adını qazanıb.