“Artıq yenidən ən əvvəldən başlamalıyıq” – “Liverpul”un futbolçusu

İngiltərənin “Liverpul” klubunun müdafiəçisi Vircil van Dayk açıqlama verib.

Komanda.az klubun rəsmi saytına istinadən xəbər verir ki, keçən mövsüm Çempionlar Liqasının qalibi olan və UEFA tərəfindən mövsümün ən yaxşı futbolçusu seçilən holland futbolçu, hələ də inkşaf etməyin vacib olduğunu deyib:

“Etmək istədiyim yeganə şey oyunuma daha çox köklənmək və yaxşılaşdırmaqdır. Həm komandada, həm də öz oyunumda yaxşılaşdırmağım lazım olan çox şey var. Keçən il Çempionlar Liqasının qalibi olduq, amma artıq yenidən ən əvvəldən başlamalıyıq.

Bu turnirin qalibi olmaqla, klub tarixinin bir hissəsi oldum. Ümid edirəm ki, bundan sonra da klub olaraq tarix yazmağa davam edərik. Mən sadəcə komanda üçün hər şeyi edən və bundan həzz alan fantastik bir futbolçu kimi xatırlanmaq istəyirəm”.