Laporta: “Bu, şübhəsiz ki, dünya səviyyəli matçdır”

“Barselona”nın prezidenti Xuan Laporta İspaniya superkubokunun finalında “Real”la keçiriləcək oyun haqda danışıb.

Komanda.az “Marca”-ya istinadən xəbər verir ki, o, Madrid klubu ilə oyunun xüsusi keçəcəyini söyləyib:

“Finalda belə komandaların olması onu xüsusi edir. “Real”la oynamaq bizə yad deyil, bütün dünya matçı izləyəcək. Düşünürəm ki, bütün əvvəlki görüşlər kimi oyun həyəcanlı olacaq. Bu, şübhəsiz ki, dünya səviyyəli matçdır”.

Turnirin yarımfinalında “Barselona” “Atletik”i 2:0 hesabı ilə məğlub edib. Final görüşü bu gün Səudiyyə Ərəbistanında keçiriləcək.