“Bu, sadəcə başlanğıcdır” – Poçettino

Fransa superkubokunda “Olimpik”ə (Marsel) 2:1 hesabı ilə qalib gələn PSJ-nin baş məşqçisi Maurisio Poçettino açıqlama verib.

Komanda.az Fransa mətbuatına istinadən xəbər verir ki, futbolçularının oyunundan razı qalan argentinalı mütəxəssis, bunları deyib:

“Bir məşqçi kimi ən böyük rəqibimizə qarşı oyunda qələbə qazanmaq çox vacibdir. Komanda yavaş-yavaş istədiyim işləri görür. İki həftədir burdayam, amma çox hazırlaşdıq. Bu, sadəcə başlanğıcdır. Futbolçularım bu kuboku qazanmağa layiq idi. Zaman və çox çalışmaqla bütün planlarımızı reallaşdıracağımıza inanıram”.