“Bu, Premyer Liqa üçün əla oyun olacaq”

“Nyukasl”ın baş məşqçisi Eddi Hou “Mançester Siti”nin Premyer Liqada bu gün “Arsenal”la keçiriləcək qarşılaşması ilə bağlı fikirlərini açıqlayıb.

Komanda.az xarici KİV-ə istinadən xəbər verir ki, o, oyunun taktiki baxımdan çox maraqlı olacağını deyib:

“Taktiki baxımdan çox maraqlı oyun olacaq. Mən sizə proqnoz verə bilmərəm, çünki nəticəni təxmin etmək çətindir. İki parlaq komanda, iki parlaq baş məşqçi! Bu, İngiltərə Premyer Liqası üçün əla oyun olacaq”.

“Arsenal”la “Mançester Siti” arasında oyun bu gün keçiriləcək və saat 23.00-da başlayacaq.

“Arsenal” hazırda Premyer Liqada 75 xalla turnir cədvəlinə başçılıq edir və “Mançester Siti”ni 5 xal qabaqlayır. Lakin MS-nin ehtiyatda iki oyunu var.